Plantun de Prouvènço

Pèr coumpara dos planto d'encò nostre

Daucus carota var. fontanesii & Fraxinus excelsior

Daucus carota var. fontanesii

Apiaceae

Nom en français : Carotte de Fontanessi.

Descripcioun :
Aquesto girouio trachis dins li roucas e li pelouso de baus en ribo de mar. Es uno planto proun pelouso e pulèu forto emé de fueio lusènto e proun descoupado. Li fru porton d'aguioun fin e long.

Usanço :
Es uno planto manjadisso coume la pastenargo o garroto de l'ort.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Daucus
Famiho : Apiaceae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 5 à 6 cm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Mars à setèmbre

Liò : Mar - Roucas - Pelouso
Estànci : Termoumediterran
Couroulougi : Estenoumediterrano-Nord
Ref. sc. : Daucus carota var. fontanesii (Thell.) Reduron, 2007

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).